Hleðsla rafhlöðunnar
Rafhlaðan kemur hlaðin að hluta til frá framleiðanda, en ef til vill þarf að endurhlaða
hana áður en hægt er að kveikja á símanum í fyrsta skipti. Ef síminn sýnir að rafhlaðan
sé að tæmast skaltu gera eftirfarandi:
Hleðsla úr innstungu
1 Stingdu hleðslutækinu í samband við innstungu.
2 Tengdu hleðslutækið við símann.
3 Þegar rafhlaðan er fullhlaðin skaltu fyrst taka hleðslutækið úr sambandi við símann
og síðan úr innstungunni.
Ef rafhlaðan hefur ekki verið notuð í langan tíma kann að vera nauðsynlegt að tengja
hleðslutækið, aftengja það síðan og tengja það aftur til að hægt sé að hefja hleðsluna.
Þú þarft ekki að hlaða rafhlöðuna í tiltekinn tíma og þú getur notað símann á meðan
hann er í hleðslu.
Ef rafhlaðan er alveg tæmd geta liðið nokkrar mínútur þar til hleðsluvísirinn birtist eða
þar til hægt er að hringja.
Ábending: Taka skal hleðslutækið úr sambandi við rafmagnsinnstungu þegar það er
ekki í notkun. Hleðslutæki sem er tengt við innstungu eyðir rafmagni, jafnvel þegar það
er ekki tengt við símann.
Tækið tekið í notkun 11
Hleðsla úr USB-tæki
Hægt er að nota USB-hleðslu ef rafmagnsinnstunga er ekki til staðar. Hægt er að flytja
gögn meðan tækið er í hleðslu. Afkastageta USB-hleðsluorku er mjög mismunandi og
það getur liðið langur tími þar til hleðsla hefst og tækið verður nothæft.
1 Notaðu samhæfa USB-gagnasnúru til að tengja símann við samhæft USB-tæki líkt
og tölvu.
Það fer eftir tækinu sem notað er til hleðslu hve langur tími líður þar til hleðslan
hefst.
2 Ef kveikt er á símanum skaltu velja viðeigandi USB-stillingu.